Gaur, ENEKO WEP-en jaso genuen Txakolinaren Eguna ekarri nahi dugu gogora. Aurten inoiz baino beranduago ospatu zen urteroko festa, martxoaren 25ean zehatz mehatz. 300 lagunetik gora etorri ziren Gorka Izagirre 2016ko uztaren aurkezpenera eta ia guztiak atera zuten argazki bat areto nagusiko sarreran kokatu genuen photocall-ean. Arrakasta itzela izan zuen!
Seating plana eta mahai zentroak Marieta Soul-ek diseinatu zituen mimo handiz, Gorka Izagirreren mahatsondoen xirmenduak aprobetxatuz. Minutak berriz, Crisis Creativa-ko kideek diseinatu zituzten. Gonbidatuek etxera eraman zituzten ia denak oroigarri gisa, seinale ona! Zorionak eta eskerrik asko lan eder horregatik!
Are gehiago, eurei esker ere, Gorka Izagirre upategiak bere web-orrialdea estreinatu zuen egun horretan bertan. Eskerrik asko Cris, Gorka, Hermes, Maite eta Clara zuen lana eta pazientziagatik.
Mila esker antolatzaile eta kolaboratzaileei eta batez ere etorri zinetenoi. Ederto portatu zineten!
Aurreratzen dizuegu datorren urtean otsailaren hirugarren asteko larunbatean izango dela Txakolinaren Eguna, aurreko urteetan bezalaxe.
Animatzen al zarete?
Datorren urtera arte!